தேவதச்சன்

தன் கழுத்தைவிட உயரமான சைக்கிளைப் பிடித்தபடி லாகவமாய் 
நிற்கிறாள் சிறுமி 
கேரியரில் அவள் புத்தகப்பை விழுந்துவிடுவதுபோல் இருக்கிறது 
மூன்றாவது பீரியட் டெஸ்ட்க்கு அவள் உதடுகள் 
சூத்திரங்களை முணுமுணுத்துக்கொண்டிருந்தன 
அவள் 
கண்ணுக்கு அடங்காமல் 
கனரக வாகனங்கள் அவளைக் 
கடந்து சென்றன 
வேகமாய்த் தாண்டிச் செல்லும் பஸ்ஸில் 
இன்னொரு பகலில் போய்க் 
கொண்டிருக்கும் குண்டுப்பெண் 
சிறுமியின் ஷூ லேஸ் 
அவிழ்ந்திருப்பதைப் பார்த்தாள் 
சொல்லவிரும்பிக் கை அசைத்தாள் 
சிறுமிக்குக் கொஞ்சம் புரிந்தது 
கொஞ்சம் புரியவில்லை. 

-தேவதச்சன்